छोराको महत्वाकांक्षा बा : एक योद्धा

सन्तानको भविष्यका लागि जीवनभर त्याग गर्ने बुबाको योगदान आप्mनै छोराहरूले नबुझ्दा परिवारमा उत्पन्न हुने समस्या फिल्म बा ः एक योद्धाको ट्रेलरमा देखाइएको छ।

आगामी असोज ९ गते रिलिजमा आउने फिल्मको दोस्रो ट्रेलर सार्वजनिक गर्दै निर्माण पक्षले बुबाको त्याग, छोराहरूको महत्वाकांक्षा र पारिवारिक विग्रहको कथा अघि सारेको हो। सन्तानको सपना पूरा गर्न घरसमेत धितो राख्न तयार हुने बुबाको योगदानलाई छोराहरूले बेवास्ता गरेको प्रसंग ट्रेलरमा प्रस्तुत गरिएको छ। बुबाले थोरै सम्पत्ति दिदीबहिनीलाई दिने कुरा गर्दा समेत छोराहरू त्यसलाई स्वीकार गर्न तयार नहुने दृश्यले परिवारभित्र सम्पत्ति र स्वार्थको द्वन्द्वलाई देखाएको छ।