झिंगे दाउ २ मा दशैंको माहोल

तीजको माहोलमा जेठानी–देउरानी गीतमार्फत चर्चा पाएको फिल्म झिंगे दाउ २ ले अब दर्शकलाई दशैंको झल्को दिने भएको छ। भोलि शुक्रवार अल नेपाल रिलिजमा आउने फिल्ममा समावेश ए माया नजिकै सरको भिडियोमा देखाइएको दशैंको वातावरणले दर्शकको ध्यान तानेको छ।

ओएसआर डिजिटल युट्युब च्यानलबाट सार्वजनिक गीतको भिडियोमा फिल्मका मुख्य कलाकारहरू रातो टीका र जमरामा देखिएका छन्। रोटे पिङमा कोरस कलाकार रमाइरहेका दृश्यले गाउ“घरको दशैंको माहोल झल्काएको छ। अर्जुन पोखरेलको शब्द रचना र संगीत रहेको गीत रामचन्द्र काप्mले र शान्तिश्री परियारले गाएका छन्।