अछामको १६ वर्षीय विनोद शाही हत्या प्रकरण: उच्च अदालतद्वारा ६ जनालाई जन्मकैद

अछामको पञ्चदेवल विनायक नगरपालिका–४ का १६ वर्षीय विनोद शाही हत्या प्रकरणमा उच्च अदालत दिपायलले जिल्ला अदालतको सफाइ फैसला उल्ट्याउँदै ६ जनालाई जन्मकैदको सजाय सुनाएको छ।

उच्च अदालत दिपायलका मुख्य न्यायाधीश दिनेशप्रसाद यादव र न्यायाधीश पुनमसिंह चन्दको संयुक्त इजलासले जिल्ला अदालत अछामको फैसला बदर गर्दै नेपाली कांग्रेसका नगर सभापति सज्जन शाहीसहित महेन्द्र शाही, वीरेन्द्र शाही, देवेन्द्र शाही, पृथ्वी शाही र अक्कल शाहीलाई जन्मकैदको सजाय सुनाएको हो। अदालतले उनीहरूलाई पीडित परिवारलाई जनही १ लाख रुपैयाँ क्षतिपूर्ति दिन पनि आदेश दिएको छ।