मन्त्रीहरूको सचिवालय विस्तार, केही मन्त्रालयमा पाँचजनासम्म सल्लाहकार राख्न सकिने

सरकारले मन्त्रीहरूको सचिवालय संरचना विस्तार गर्दै केही मन्त्रालयलाई अधिकतम पाँचजनासम्म सल्लाहकार राख्न सक्ने व्यवस्था गरेको छ।

गत २ असारमा बसेको मन्त्रिपरिषद् बैठकले ‘मन्त्रीहरूको सल्लाहकार तथा सचिवालय व्यवस्थापनसम्बन्धी कार्यविधि, २०८३’ स्वीकृत गरेसँगै मन्त्रीहरूको सचिवालयमा उपलब्ध जनशक्ति र सुविधामा वृद्धि गरिएको हो।