एनपीएल सिजन–३ रौनक, वार्नर, शाकिबदेखि सिकन्दर राजासम्म, विश्वको नजर, ट्रफी कसले उचाल्ला ?

काठमाडौं । नेपाल प्रिमियर लिग सुरु हुन ४० दिन बाँकी छ । फ्रेन्जाइज टोलीहरु खेलाडी अनुबन्धमा होमिएका छन् । चर्चित विदेशी खेलाडी अनुबन्ध गर्न आठ वटै टोली लागि परेका हुन् । केहि टोली विश्व चर्चित क्रिकेटर अनुबन्ध गरेर चर्चा बटुलिरहेका छन् । तेस्रो सिजनका लागि अहिलेसम्मकै ठुलो नामका रुपमा अष्टे«लियन डेविड वार्नर काठमाडौँ गोखार्ज भित्रिएका छन् । उनका आगमनले रोमाञ्चकता बढको छ ।

नेपाल प्रिमियर लिग (एनपीएल)ले दर्शकको ध्यान खिच्दै, विश्वस्टार खेलाडीको अनुबन्धले चासो र चर्चा बढ्यो । हो, दर्शकबृन्द नेपाली क्रिकेटकै सफल र विश्व चर्चित फ्रेन्जाइज प्रतियोगिता एनपीएल रौनक सुरु भएको छ । तेस्रो संस्करणको प्रतियोगिता आगामी कार्तिक ९ देखि सुरु भएर मंसिर ५ मा सकिने भएपनि खेलाडी अनुबन्धले अहिलेदेखि नै माहोल गर्माएको हो । आठ फ्रेन्जाइच टोली विश्वस्टार खेलाडी भित्राउने होडबाजीमा छन् ।