अमेरिकी जहाज निर्माण अनुसन्धान ‘झुटो आरोपले भरिएको छ’– चीन

बेइजिङ । बेइजिङले जहाज निर्माण, सामुद्रिक तथा रसद क्षेत्रमा चीनको व्यापार अभ्यासमाथि अमेरिकी अनुसन्धानको कडा विरोध गरेको बताएको छ । बुधबार उसले अमेरिकी अनुसन्धान ‘झुटो आरोपले भरिएको’ आरोप लगाएको छ ।

अमेरिकी ट्रेड रिप्रेजेन्टेटिभ (युएसटिआर) ले पाँच युनियनको हालैको निवेदनको जवाफमा अनुसन्धान सुरु गरेको घोषणा गरेको थियो । चीनको वाणिज्य मन्त्रालयले घोषणाको जवाफ दिँदै भनेको छ, “अनुसन्धान झुटा आरोपहरूले भरिएको छ, यसमा सामान्य व्यापार र लगाानी गतिविधिलाई अमेरिकी राष्ट्रिय सुरक्षा तथा कर्पोरेट हितलाई नोक्सान पुर्याउने भनेर गलत व्याख्या गरिएको छ र आफ्नो औद्योगिक समस्याका लागि चीनलाई दोष दिइएको छ ।”