कर्णालीमा जलस्रोत र ऊर्जाका १०३७ आयोजना सम्पन्न, विद्युत १६ मेगावाट मात्रै उत्पादन

१ असोज, सुर्खेत । कर्णाली प्रदेशमा खानेपानी, सिँचाइ, नदी नियन्त्रण तथा ऊर्जा क्षेत्रका एक हजार ३७ वटा आयोजना निर्माण सम्पन्न भएका छन्। जलस्रोत तथा ऊर्जा विकास मन्त्रालयका अनुसार आर्थिक वर्ष २०८२/८३ मा सञ्चालन गरिएका एक हजार ४२२ आयोजनामध्ये एक हजार ३७ वटा आयोजना सम्पन्न भएका हुन्।

मन्त्रालयका अनुसार १२४ वटा आयोजनाको सम्झौता हुन सकेन भने पूरा हुन बाँकी २६१ वटा आयोजनाको काम चालु आर्थिक वर्ष २०८३/८४ मा भइरहेको छ।