भेनेजुएलामा शक्तिशाली भूकम्प, राजधानीमै ठूलो क्षति

दक्षिण अमेरिकी राष्ट्र भेनेजुएलामा ठूलो भूकम्प गएको छ । बुधबार साँझ (स्थानीय समय अनुसार) एक मिनेटको अन्तरालमा दुईवटा शक्तिशाली भूकम्प (सेस्मिक डबल क्लस्टर) गएका छन् ।

अमेरिकी भूगर्भ सर्वेक्षणका अनुसार पहिलो भूकम्प ७.२ म्याग्निच्युडको महसुस गरिएको ३९ सेकेन्ड लगत्तै ७.५ म्याग्निच्युडको अर्को मुख्य र विनासकारी भूकम्प गएको थियो । भूकम्पको केन्द्रविन्दु भेनेजुएलाको तटीय सहर मोरोनभन्दा केही किलोमिटर टाढा र जमिनको सतहभन्दा मात्र १० देखि १३ किलोमिटरको कम गहिराइमा रहेको थियो । कम गहिराइका कारण यसको धक्का निकै संवेगात्मक र विनाशकारी महसुस गरिएको छ ।