घोराही–लगानी कोष सम्झौतामा ‘कमलेश कनेक्सन’

घोराही सिमेन्टको मुख्य लगानीकर्ता समूह विशाल ग्रुप र त्रिवेणी ग्रुपले आफ्ना प्रतिनिधि कमलेश अग्रवाल नागरिक लगानी कोषको सञ्चालक रहेका बेला अन्डरराइटरसम्बन्धी सम्झौतापत्र सञ्चालक समितिबाट पास गराउनुमा शंका गरिएको छ।

काठमाडौं : आफैं निर्णयकर्ता। आफैं लाभग्राही। घोराही सिमेन्टको सेयर अन्डरराइटिङ (प्रत्याभूति) सम्झौता गर्दा स्वार्थ बाझिने यस्तै ‘सेटिङ’ भएको पाइएको छ। नेपाल लाइफका सञ्चालक कमलेशकुमार अग्रवाल कोषको सञ्चालक भएका बेला अन्डरराइटिङ सम्झौता भएको थियो। विशाल ग्रुपका अग्रवाल कोषका निर्णायक तहमा भएका बेला त्यही विशाल ग्रुप र संघई परिवार (त्रिवेणी ग्रुप) को लगानी रहेको घोराही सिमेन्टसँग अपत्यारिलो प्रिमियम मूल्यमा अन्डरराइटिङ सम्झौता भएको थियो।