नेपाली फुटबल फ्यानलाई फिफाको ‘बज्रपात’: इतिहासमै पहिलो पटक नेपालमाथि प्रतिबन्ध

काठमाडाैं । विश्वभरका फुटबल प्रेमीहरू अन्तर्राष्ट्रिय फुटबल महासंघ (फिफा)को महाकुम्भ र विश्वकपको रौनकमा झुमिरहेका बेला नेपाली फुटबल जगतमा भने इतिहासकै सबैभन्दा ठूलो बज्रपात परेको छ ।

विश्व फुटबलको सर्वोच्च निकाय फिफाले बिहीबार नेपालमाथि कडा प्रतिबन्ध लगाउने अप्रिय निर्णय गरेको छ । नेपाली फुटबल इतिहासमा फिफाले यसरी पूर्ण प्रतिबन्ध लगाएको यो नै पहिलो पटक हो, जसले सिङ्गो खेल क्षेत्रलाई ठूलो अन्यौलता र अन्धकारतर्फ धकेलिदिएको छ ।