एमाले पुनर्गठन कार्यदलको बैठक अनिश्चित, संयोजक बादलले अझै बोलाएनन् बैठक

काठमाडौं । कार्यदलमा अल्पमतमा परेका नेकपा एमाले पुनर्गठन कार्यदलका संयोजक रामबहादुर थापा ‘बादल’ले अझै बैठक आह्वान गरेका छैनन् । बिहीबार (असोज १) कार्यदलको बैठक बस्ने निर्णय यसअघि गरिए पनि अल्पमत परेपछि यति बेलासम्म बैठक नबोलाइएको कार्यदलका एक सदस्यले बताएका छन् ।

दुई प्रतिवेदन एकीकृत गरी भाषा सम्पादन गर्ने जिम्मा पाएका कार्यदल संयोजक बादलसहित सदस्यहरू उपाध्यक्ष विष्णु पौडेल र महासचिव शंकर पोखरेल बुधबार (भदौ ३१) छलफलमा जुटेका थिए । छलफलमा अल्पमतमा परेका बादलले पार्टी अध्यक्ष केपी शर्मा ओलीको साथ खोजेका छन् ।