महाधिवेशनमा सबैलाई समेटेर पार्टी एक ढिक्का बनाउँछौँ :  सहमहामन्त्री राणा

काठमाडौँ । नेपाली कांग्रेसका सहमहामन्त्री उदयशमशेर राणाले आसन्न १५औँ महाधिवेशनमा पार्टीलाई एकताबद्ध बनाएर लैजान आफूहरू प्रतिबद्ध रहेको बताएका छन् । उनले पार्टीभित्रको आन्तरिक व्यवस्थापन र महाधिवेशनको प्रक्रियालाई सौहार्दपूर्ण बनाउन नेतृत्वले विशेष भूमिका खेल्नुपर्नेमा जोड दिए ।

सहमहामन्त्री राणाले महाधिवेशनमा धेरैभन्दा धेरै कार्यकर्ताको सहभागिता सुनिश्चित गर्न पार्टी नेतृत्व तयार रहेको स्पष्ट पारे । उनले भने, ‘सकभर सबैले महाधिवेशनमा भाग लिने वातावरण निर्माण गर्न हामी तयार छौँ। पार्टी फुट्नुहुँदैन भन्ने हाम्रो स्पष्ट मान्यता हो। सबैलाई व्यवस्थापन गरेर महाधिवेशन सम्पन्न गर्न हामी वार्ताका लागि समेत तयार छौँ।’