ओपनएआईले च्याटजीपीटीका लागि बनायो आफ्नै चिप

न्युयोर्क । कृत्रिम बौद्धिकता (एआई) कम्पनी ओपनएआईले बुधबार आफ्नो पहिलो कस्टम एआई (कृत्रिम बौद्धिकता) चिप ‘जलापेन्यो’ सार्वजनिक गरेको छ । कम्पनीले यसलाई च्याटजीपीटी र अन्य एआई सेवाहरूलाई अझ छिटो, प्रभावकारी र कम ऊर्जा खर्चमा सञ्चालन गर्न विकसित गरिएको जनाएको छ ।

यो चिप घरेलु चिप निर्माता कम्पनी ब्रोडकमसँगको सहकार्यमा तयार गरिएको हो । ओपनएआईका अनुसार जलापेन्यो विशेष रूपमा च्याटजीपीटी र यसको कोडिङ सहायक कोडेक्सका कम्प्युटिङ आवश्यकताहरू पूरा गर्न डिजाइन गरिएको छ । साथै, भविष्यमा आउने उन्नत एआई प्रणालीहरूको कार्यभार पनि यसले सम्हाल्न सक्ने दाबी गरिएको छ ।