चीन–पाकिस्तान संयुक्त सीमा आयोगको बैठकप्रति भारतको कडा आपत्ति

एजेन्सी । भारतको राजधानी नयाँ दिल्लीमा आयोजित ब्रिक्स शिखर सम्मेलनमा चीनका राष्ट्रपति सी चिनपिङको उपस्थितिले सिर्जना गरेको सौहार्द्रताको तीन दिनपछि नै इस्लामाबादमा चीन–पाकिस्तान संयुक्त सीमा आयोगको पहिलो बैठक आयोजना गरेर चीनले त्यो उत्साहको बेलुन फुटाइदिएको छ ।

यस आयोगको उल्लेख ती दुई देशबीच सन् १९६३ मा भएको सम्झौतामा गरिएको थियो । त्यस सम्झौतामार्फत शक्सगाम उपत्यका चीनलाई हस्तान्तरण गरिएको थियो । यो उपत्यका सियाचेन हिमनदीको उत्तरमा पर्छ र भारतले यसलाई जम्मु–कश्मीरको अभिन्न भाग मान्दै यसमाथि आफ्नो सार्वभौमसत्ता दाबी गर्छ ।