अभिनेत्री सामन्था गर्भवती, अभिनयबाट छोटो ब्रेक लिँदै

हैदराबाद । दक्षिण भारतीय चर्चित अभिनेत्री सामन्था रुथ प्रभुले आफू गर्भवती भएको आधिकारिक रूपमा पुष्टि गरेकी छिन् । पछिल्ला केही दिनदेखि सामाजिक सञ्जालमा उनका भिडियोहरू भाइरल भएपछि उनी गर्भवती भएको हो कि भनेर अड्कलबाजी चलिरहेका थिए ।

बुधबार राति उनकी नयाँ फिल्म ‘मा इन्टी बंगारम’ को ‘थ्याङ्क्स मिट’ कार्यक्रममा सामन्थाले मिडिया र प्रशंसकहरूसँग खुसीको खबर साझा गरेकी हुन् । कार्यक्रममा उनले मुस्कुराउँदै आफूले मातृत्वका लागि सानो ब्रेक लिन लागेको भनेकी थिइन् ।