अनलाइनबाट अवैध आहारपूरक खाद्य पदार्थ बिक्री गर्ने आयातकर्ता र विक्रेतामाथि कारबाही हुने

काठमाडौं– खाद्य प्रविधि तथा गुण नियन्त्रण विभागले विभागमा सूचीकृत नभई अवैध रूपमा बिक्री वितरण भइरहेका डाइटरी सप्लीमेन्ट तथा न्युट्रास्युटिकल जस्ता आहारपूरक खाद्य पदार्थहरू खरिद नगर्न आम उपभोक्तालाई सचेत गराएको छ।

विभागले एक जरुरी सूचना जारी गर्दै विशेषगरी गार्सिनिया कम्बोजिया (Garcinia Cambogia) तथा म्याग्नेसियम ग्लाइसिनेट (Magnesium Glycinate) जस्ता उत्पादनहरू विभागमा सूचीकृत नभई सामाजिक सञ्जालमार्फत भ्रमपूर्ण विज्ञापन गरी बिक्री भइरहेकोप्रति ध्यानाकर्षण भएको जनाएको छ।