संकट मोचनमा गोलमेच सम्मेलन

अभाव र असहजताको दुष्चक्रबाट मुक्तिको उपाय खोज्ने बेला भइसक्यो। यतिबेला पार्टी होइन देशलाई प्रधान विषय मानेर विद्यमान दशा (असहजता) निवारण गर्नुपर्छ।

सबैले भन्छन्, देश संकटउन्मुख छ। बागडोर सम्हालेका प्रधानमन्त्रीदेखि सबैले अर्थतन्त्र डामाडोल बन्दै गएको भन्छन्। यस्तो संवेदनशील विषयमा देशले गम्भीर नेतृत्व, सुझबुझपूर्ण निर्णय र दूरदर्शी कदमको अपेक्षा गरेको हुन्छ।