अभिनेता केसीले ल्याए गीत ‘दोलखा सिङ्गटी’

काठमाडौँ । फिल्मका कलाकार गायनमा देखिने क्रम बढ्दो छ । यस्तैमा अभिनेता दिनेश केसी पनि पछिल्लो समय गायकको रूपमा देखिँदै आएका छन् । यस्तैमा केसीको स्वर रहेको नयाँ गीत ‘दोलखा सिङ्गटी’ सार्वजनिक गरिएको छ ।

अमृत भारतीको शब्द, रामकुमार नेपालीको सङ्गीत रहेको गीतको सङ्गीत संयोजन रामकुमार नेपालीले नै गरेका छन् । गीतमा दोलखा जिल्लाको प्राकृतिक सुन्दरताको वर्णन गरिनुको साथै उनले बालपन, पारिवारिक सङ्घर्ष आदि समेत गीतमा सम्झिएका छन् ।