कैलालीको ब्यारेकमा ग्रिनेड विस्फोट हुँदा घाइते भएकामध्ये एक सैनिकको मृत्यु

धनगढी । कैलालीको लम्कीचुहा नगरपालिका-३ स्थित नेपाली सेनाको गोराङ्गे ब्यारेक अन्तर्गत फायरिङ अभ्यासका क्रममा ग्रिनेड विस्फोट हुँदा घाइते भएकामध्ये एक सैनिकको मृत्यु भएको छ । अर्का एक घाइते छन्।

इलाका प्रहरी कार्यालय चिसापानी, कैलालीका अनुसार बिहीबार बिहान ९:१७ बजे सुदूरपश्चिम पृतना तालिम शिक्षालय गोराङ्गे ब्यारेकबाट मोहन्याल गाउँपालिका-७ स्थित जालपा सामुदायिक वन क्षेत्रमा फायरिङ अभ्यास भइरहेको थियो । सोही क्रममा ग्रिनेड पड्काउँदा नेपाली सेनाका हुद्दा हिमालविक्रम विष्ट गम्भीर घाइते भएका थिए।