पोखरा महानगरमा ट्याक्टरले जोत्ने भाडा तोकियो, बढी लिए कारबाही हुने

पोखरा । पोखरा महानगरपालिकाले नगर क्षेत्रभित्र सञ्चालन हुने ठुला ट्याक्टर र हाते ट्याक्टरले जोत्दा लाग्ने भाडा तोकेको छ। कृषिमा प्रयोग हुने मेसिनरीको भाडामा एकरूपता ल्याएर किसानलाई सहुलियत दिन भाडादर तोकिएको महानगरले जनाएको छ।

सोमबार बसेको यातायात व्यवस्थापन समिति, कृषि सञ्जाल र सरोकारवालाहरूको संयुक्त बैठकले अवधि अनुसार भाडादर समायोजन गरेको छ। हाते ट्याक्टरको हकमा आफ्नै लगानीमा खरिद गरेकोले प्रतिघण्टा १ हजार २० रुपैयाँ लिन पाउँछन् । अनुदानमा पाएको मेसिनले भने ९ सय रुपैयाँ मात्रै लिनुपर्छ।