रास्वपा सांसदलाई भीमार्जुनको सुझाव : गलतलाई गलत भन्न नसके मौन बस्नू

काठमाडौं । संविधानविद् भीमार्जुन आचार्यले राष्ट्रिय स्वतन्त्र पार्टीका सांसदलाई मौन बस्न सुझाएका छन् ।

सीमासम्बन्धी प्रधानमन्त्री बालेन्द्र शाहको अभिव्यक्तिलाई गलत भन्ने साहस नभए मौन बस्न उनले सुझाएका हुन् । प्रधानमन्त्रीको अभिव्यक्ति सतप्रतिशत गलत रहेको र त्यसको असर देखिन थालेको आचार्यको भनाइ छ । “रास्वपाका नेता–कार्यकर्ता, समर्थक–शुभेच्छुक प्रधानमन्त्रीको सतप्रतिशत गलत अभिव्यक्तिलाई ठीक साबित गर्न यो हद सम्मको हर्कत नगरिदिनुस्,” आचार्यले भनेका छन्, ''एकदिनमै यसको असर हाम्रो अखण्डतामा कति परिसक्यो, मनन गर्नुस् ।''