शिलापत्र दिनभर : प्रचण्डले पनि मागे रामहरिको राजीनामा, नेपालनजिक आउँदै मेस्सी (भिडियो)

विद्यालय शिक्षा विधेयकमा आंशिक सहमति, के–के हुन् नमिलेका कुरा ?

त्यस्तै माध्यमिक तहको खुला प्रतियोगिताद्वारा ८० प्रतिशत मात्रै हुने छ । आन्तरिकबाट २० अंक छ । दृतीयमा आन्तरिक प्रतियोगिताबाट २०, जेष्ठतामा ४०, कार्यक्षमताका आधारमा ४० अंक हुने भएको छ । त्यस्तै प्रथम तहमा आन्तरिकमा १०, जेष्ठतामा ४५ र कार्यक्षमतामा ४५ अंक रहेको छ । शिक्षकको कार्यसम्पादन मूल्यांकनको गणना गर्दा पछिल्लो पाँच वर्षको कार्यसम्पादन मूल्यांकन औषतमा ९० प्रतिशत प्राप्त गरेको प्रस्तावलाई शिक्षकहरूको मागबमोजिम परामर्श समितिले ८० प्रतिशतमा झारेको थियो ।

धवल समूहलाई लिङ्देनको सन्देश– पार्टी छोडे हुन्छ

पद्मसुन्दर लावतीले राप्रपामा आफूलाई निमिट्यान्न पार्न खोजेको प्रसंग निकालेर अध्यक्ष लिङ्देनले त्यो तिक्ततालाई बिर्सेर छोरा सगुन लावतीको श्रीमतीलाई दुईपटक सांसद बनाएको उदाहरण सुनाएका थिए । सहभागी स्रोतका अनुसार तिनै व्यक्ति आफूविरुद्ध लागेको र पार्टीका आन्तरिक कुरालाई सार्वजनिक गरेर बदनाम गर्ने प्रयास गरेको नेताहरूलाई सुनाएका थिए । पार्टी हितविपरीत लागेको पुष्टि भएपछि लावतीलाई कारबाही होइन, प्रवक्ताको जिम्मेवारीबाट हटाएको दाबी लिङ्देनको थियो ।

नजिकै आउँदै छन् मेस्सी- सचिन, विराटहरूसँग गोट कप खेल्ने (भिडियोसहित)

फुटबल र क्रिकेट दुवैका खेलका समर्थकका लागि यो क्षण रोमाञ्चक हुने अपेक्षा गरिएको छ । आउँदो १३ डिसेम्बर अर्थात् २७ मंसिरमा लियोनल मेस्सी भारत आउने कार्यक्रम तय भएको भन्दै भ्रमण तालिकासहितका रिपोर्टहरू त्यहाँका मिडियाले प्रकाशित गरेका छन् । आउनलाई उनी १२ डिसेम्बरको राति कोलकाता आइपुग्छन् । भ्रमण र कार्यक्रम भोलिपल्ट अर्थात् १३ तारिखदेखि मात्रै सुरु हुने बताइएको छ ।

सीडीओलाई किन दिइयो अनलाइन मिडिया दर्ताको अधिकार ? (भिडियो)

अनलाइन सञ्चारमाध्यमको दर्ता प्रक्रिया अहिले पनि लामो र झन्झटिलो रहेको गुनासो सरोकारवालाले गर्दैआएका छन् । अनलाइन सञ्चारमाध्यमलाई कम्पनी रजिस्ट्रारको कार्यालय, होस्टिङ सेवा प्रदायक, आन्तरिक राजस्व विभाग, वडा कार्यालय, सूचना तथा प्रसारण विभाग तथा प्रेस काउन्सिलजस्ता छवटै निकायमा अलगअलग दर्ता र सूचीकरण गर्नुपर्ने व्यवस्था पहिल्यैदेखि छ । नियमनको भूमिकामा रहेको प्रेस काउन्सिल अझै यथावत छ तर अब नियमनभन्दा बढी नियन्त्रणको संकेत दिने गरी अनलाइन माध्यमलाई सिधै जिल्ला प्रशासन कार्यालयमा दर्ता गर्नुपर्ने प्रावधान नयाँ संशोधनमार्फत लागू गरिएको छ ।

कर्णालीबाट सुरु भयो गठबन्धनमा संकट, कांग्रेसको भूमिका ठीक नरहेको एमालेको निष्कर्ष

कर्णाली प्रदेश सरकारको प्रशासनिक संरचना चुस्त बनाउने उद्देश्यले तयार गरेको संगठन तथा व्यवस्थापन प्रतिवेदन कार्यान्वयन हुन नदिने अभिव्यक्ति दिइरहेको, महत्त्वपूर्ण राजनीतिक नियुक्तिमा सहमति नदिएको, सरकारमा सहभागी मन्त्रीहरू नै सरकारको निर्णयविरुद्ध सार्वजनिक रूपमा बोल्ने गरेको, सामान्य विषयमा समेत कांग्रेस सांसदहरूले सदनका कामकारबाहीमा अवरोध पुर्‍याउने गरेको भन्दै एमाले असन्तुष्ट छ । एमाले सचेतक पछाईले कांग्रेस अहिले सरकारको सहयात्रीभन्दा पनि ‘प्रतिपक्ष’जस्तो देखिएको बताए ।

भूमिगत पानीको प्रयोगले थेग्नसक्छ मधेशमा पानीको संकट, बिहार र यूपीको तुलनामा आधा पानी पनि छैन प्रयोग (भिडियो)

यस वर्ष किसानले धान रोप्न नपाउनुको प्रमुख कारण लामो समयसम्मको खडेरी हो । जल तथा मौसम विज्ञान विभागका अनुसार, गत वर्षको मनसुनमा जुलाई २८ सम्म मधेशमा ६५० मिलिमिटर वर्षा भएकोमा यस वर्ष ३०२ मिलिमिटर मात्र वर्षा भएको छ । लामो समयसम्म परेको खडेरीले गर्दा चापाकल र स्यालो ट्युबवेल सुकेपछि समस्या देखिएको मधेश प्रदेशमा सुक्खाका कारण देखिएको खानेपानी, सिँचाइ तथा कृषिसम्बन्धी समस्याको पहिचान गरी तत्कालीन उपायसहितको कार्ययोजना पेस गर्न सरकारद्वारा गठित कार्यदलका संयोजक एवम्‌ ऊर्जा, जलस्रोत तथा सिँचाइ मन्त्रालयका सह-सचिव सुशीलचन्द्र आचार्य बताउँछन् ।

प्रचण्डले पनि भने– रामहरिजीले राजीनामा दिनुपर्छ

राष्ट्रिय सभागृहमा बिहीबार अनेरास्ववियु क्रान्तिकारीले आयोजना गरेको विद्यार्थीसँग प्रचण्ड संवाद कार्यक्रममा प्रचण्डले खतिवडाले राजीनामा दिनुपर्ने बताए । उनले भने, ‘रामहरिजीले नैतिक जिम्मेवार ठहरिनुभएको छ । उहाँलाई नैतिक रूपमा सभापतिमा बस्ने आधार छैन । अब राजीनामा दिएर राजनीतिक व्यक्तित्वको सुरक्षा गर्नुपर्छ ।'

मदनले चुनावी प्रचार गर्न प्रयोग गरेको घरमा विद्या भण्डारीको सम्पर्क कार्यालय !

हीरक महोत्सवका लागि भाडामा लिइएको भवन पूर्वराष्ट्रपति भण्डारीले उद्घाटन गर्ने चर्चा छ । तर, भण्डारीनिकट नेताहरूमै भने अहिले उक्त भवनको विषयमा दुईधार देखिएको छ । हीरक महोत्सवका लागि आवश्यक भवन भाडामा लिएको विषयलाई पूर्वराष्ट्रपतिसँग जोड्न नहुने एकथरी नेताहरूले बताएका छन् । शिलापत्रसँगको कुराकानीमा ती नेताले घर भाडामा लिएको विषयलाई पूर्वराष्ट्रपतिको सक्रिय राजनीतिसँग जोड्न नमिल्ने दाबी गरे । उनले भने, 'हीरक महोत्सवका गतिविधिका लागि आवश्यक भवन भाडामा लिएको विषयलाई पूर्वराष्ट्रपतिको राजनीतिसँग जोड्न मिल्दैन ।'

फिफा वरीयतामा नेपाली महिला टोलीको ऐतिहासिक फड्को

अन्तर्राष्ट्रिय फुटबलको सर्वोच्च निकाय फिफाले सार्वजनिक गरेको पछिल्लो वरीयतामा नेपाली महिला राष्ट्रिय फुटबल टोलीले ऐतिहासिक फड्को मारेको छ । नेपाल १३ स्थान माथि उक्लँदै ८७औँ स्थानमा पुगेको हो, जुन हालसम्मकै सर्वोच्च वरीयता हो ।

भिडियो :

प्रकाशित मिति: बिहीबार, साउन २२, २०८२

२१:००