मुगुका युवाहरुद्वारा ‘भ्रष्टाचारविरुद्ध जरा अभियान’ सुरु

मुगु । कर्णाली प्रदेशमा बढ्दो भ्रष्टाचार, अनियमितता, नीतिगत विकृति तथा विकास निर्माणमा देखिएको लापरबाही विरुद्धमा मुगुका युवाहरू कर्णाली प्रदेशको राजधानी सुर्खेतमा भेला भई जिल्लाको समग्र विकास, सुशासन र जन उत्तरदायी शासन व्यवस्थाका लागि सशक्त अभियान सञ्चालन गर्ने घोषणा गरेका छन्।

युवा अभियन्ता तथा कृषि शास्त्री आशिष देवकोटाको नेतृत्वमा बसेको भेलाले मुगु जिल्लामा भ्रष्टाचार, अनियमितता, विकास निर्माणमा हुने ढिलासुस्ती, सार्वजनिक स्रोत साधनको दुरुपयोग तथा जनताका आधारभूत अधिकारमाथि भइरहेको उपेक्षा विरुद्ध “भ्रष्टाचारविरुद्ध जरा अभियान” सुरु गर्ने निर्णय गरेको हो।