एनसेलको १५ अर्ब ८५ करोड रुपैयाँ बैंक ऋण जोखिममा, आजियाटा जिम्मेवारीबाट पन्छिन खोज्दै

काठमाडौं– दूरसञ्चार सेवा प्रदायक एनसेलले विभिन्न नेपाली बैंक तथा वित्तीय संस्थाबाट लिएको १५ अर्ब ८५ करोड रुपैयाँ कर्जा जोखिममा पर्ने अवस्था देखिएको छ ।

कम्पनीको पूर्व प्रमुख लगानीकर्ता आजियाटा ग्रुप बर्हाडले आफूले दिएको ऋण प्रत्याभूति (गारन्टी) फिर्ता लिने र बाँकी कर्जाको जिम्मेवारी नलिने व्यवस्था सेयर खरिद–बिक्री सम्झौतामै उल्लेख गरेको तथ्य सार्वजनिक भएको छ ।