एमाले निर्वाचन समीक्षा तथा पुनर्गठन कार्यदलको बैठक स्थगित

काठमाडौ । नेकपा एमालेको निर्वाचन समीक्षा तथा पार्टी पुनर्गठन कार्यदलको बिहीबार बस्ने भनिएको बैठक अन्तिम प्रस्ताव तयार गर्ने विषयमा सहमति जुट्न नसकेपछि स्थगित भएको छ।

पार्टी केन्द्रीय कार्यालय च्यासलमा दिउँसो बस्ने तय गरिएको बैठक स्थगित भएको कार्यदलका एक सदस्यले जानकारी दिए। उनका अनुसार बैठकमा कार्यदलले यसअघि तयार पारेका दुईवटा प्रतिवेदनमाथि छलफल गरी त्यसका आधारमा अन्तिम प्रस्ताव तयार गर्ने कार्यसूची थियो।