हिउँदको सङ्कट टार्न बिहारसँग विद्युत् साटफेर गर्ने प्राधिकरणको प्रस्ताव, तर भारतीय निर्देशिका बाधक

काठमाडौँ । नेपाल विद्युत् प्राधिकरणले हिउँदको समयमा हुने विद्युत् सङ्कट समाधानका लागि विद्युत् साटफेरको प्रस्तावसहित भारतलाई पत्राचार गरेको छ । प्राधिकरणले केही समयअघि भारतको बिहार राज्यसँग विद्युत् साटफेर गर्ने प्रस्तावसहित पत्र पठाएको हो ।

प्राधिकरणका अनुसार नयाँ मोडल अन्तर्गत वर्षा याममा नेपालमा पानीको बहाव बढेर विद्युत् उत्पादन बढी हुँदा बिहारलाई पठाउने र हिउँदमा नेपालका नदीमा पानी कम भइ उत्पादन घट्ने समयमा सोही परिमाणको बिजुली बिहारबाट फिर्ता लिने प्रस्ताव अघि सारिएको हो ।