कृष्ण महरालाई एक लाख धरौटीमा छाड्न आदेश

नेकपा नेता एवं पूर्वसभामुख कृष्णबहादुर महरालाई एक लाख धरौटीमा छाड्न विशेष अदालतले आदेश दिएको छ ।

विशेष अदालतका अध्यक्ष सुदर्शनदेव भट्ट र सदस्य विदुर कोइरालाको इजलासले सोमबार थुनछेक बहसपछि महरालाई धरौटी वा सो बराबरको बैंक जमानत लिएर तारेखमा राखी मुद्दा अघि बढाउने आदेश दिएको सूचना अधिकारी पार्वती हितानले जानकारी दिइन् ।