चलचित्र विकास बोर्डको अध्यक्षका लागि आवेदन आह्वान

काठमाडौं । चलचित्र विकास बोर्डको अध्यक्षका लागि आवेदन खुलेको छ । सूचना तथा सञ्चार मन्त्रालयले बिहीबार सूचना प्रकाशित गरी बोर्डको रिक्त रहेको अध्यक्ष पदका लागि आवेदन आह्वान गरेको हो ।

इच्छुक योग्य व्यक्तिले यही असोज ७ गतेभित्र कार्यालय समयभित्र दरखास्त पेश गर्न मन्त्रालयले आग्रह गरेको छ । ३० वर्ष पूरा भई ६५ वर्ष ननाघेका, कुनै विषयमा कम्तीमा स्नातक उत्तीर्ण गरि नेपाली चलचित्र उद्योगको स्थापना, विकास, संरक्षण, सम्वर्द्धन र प्रवर्द्धनमा निरन्तररुपमा कम्तीमा १० वर्ष कार्य गरेको नेपाली नागरिकले आवेदन दिन सक्ने मन्त्रालयले जनाएको छ।