होटलको आवरणमा देह व्यापार, प्रहरीको भूमिका शंकास्पद

लुम्बिनी । कपिलवस्तुको सीमावर्ती सहर कृष्णनगरका होटलहरुमा पछिल्लोसमय अनैतिक र गैरकानूनी गतिविधि मौलाउँदै गएको पाइएको छ । होटललाई विश्रामस्थल र पर्यटन प्रवर्द्धनको माध्यम बनाउनुको साटो अवैध देहव्यापार (यौन धन्दा) को सुरक्षित अखडा बनाइएको तथ्य फेला परेको हो ।

उद्योग वाणिज्य संघ कृष्णनगरले शनिबार आकस्मिक अनुगमन गर्दा पुरानो बसपार्क नजिकै रहेको न्यू सेन्चुरी होटल रेष्टुरेण्ट एण्ड लजमा आपत्तिजनक अवस्थामा महिला तथा पुरुष फेला पारेपछि यस क्षेत्रको विकृति सतहमा आएको हो ।