६ महिनादेखि हुप्सेकोटको पेलेगामा निस्किएको धुवाँबारे भू-गर्भविद् के भन्छन् ?

हुप्सेकोट (नवलपुर) : नवलपुरको हुप्सेकोट गाउँपालिका-६ पेलेगामा जमिनमुनिबाट निरन्तर धुँवा निस्किनुको कारण कार्बन मोनोअक्साइड नामक ग्यासको उपस्थिति रहेको भू-गर्भविद्हरूले प्रारम्भिक निष्कर्ष निकालेका छन्। कार्बन मोनोअक्साइड ग्यास स्वास्थ्यका दृष्टिकोणले विषाक्त मानिन्छ।

अनुसन्धान टोलीका प्रमुख भू-गर्भविद् प्रकाश लुइँटेलले सो क्षेत्रमा ज्वालामुखीको सम्भावना नरहेको प्रष्ट पारे। उनले भने,'ज्वालामुखीको सम्भावना छैन,स्थानीयवासीलाई त्रसित नहुन आग्रह गर्दछु।'