विराटनगरका प्रमुख प्रशासयकीय अधिकृत दुई महिनामा २६ दिनमात्रै उपस्थित, १७ दिन बसे बिदा

विराटनगर । विराटनगर महानगरपालिकाका प्रमुख प्रशासकीय अधिकृत विजयकुमार शर्मा अधिकांश समय बिदामा बस्ने गरेको पाइएको छ । शर्मा प्रमुख प्रशासकीय अधिकृतको रूपमा आएसँगै कार्यालयको काममा उल्झन देखिन थालेको जनप्रतिनिधिहरू नै बताउँछन् । शर्मा असार २ गते कार्यालयमा हाजिर भएका थिए ।

महानगरपालिका स्रोतका अनुसार त्यस यता उनी अधिकांश समय बिदामा बसेका छन् । उपलब्ध तथ्याङ्क अनुसार साउन र भदौ महिनाको ६२ दिनमा उनी जम्मा २६ दिनमात्रै कार्यालयमा आएका छन् । २६ दिनमा पनि केही दिन कार्यालयमा नभएर उनी काजमा खटिएका थिए ।