नगर समिति चयनका विषयमा रास्वपामा विवाद, २ सांसदबीच भनाभन

परासी : राष्ट्रिय स्वतन्त्र पार्टी(रास्वपा)नवलपरासीमा विवाद देखिएको छ। रामग्राम नगर समितिको अधिवेशनका क्रममा यो विवाद अझ सतहमा आएको छ। नगर समिति चयनका विषयमा प्रतिनिधि सभा सदस्य विक्रम खनाल र नरेन्द्रकुमार गुप्ताबीच भनाभन नै भएको बताइएको छ। जसका कारण दुई दिनसम्म लम्बिएको अधिवेशनसमेत हुन सकेन।

खनाल र गुप्ताले आ–आफ्ना निकटका व्यक्तिलाई नगर सभापति बनाउने पक्षमा थिए। दुई सांसदको विवादका कारण नयाँ समिति चयन हुन नसकेको अधिवेशनमा पुगेका एक कार्यकर्ताले बताए। सांसद खनाल र कार्यवाहक जिल्ला अध्यक्ष रवि पाण्डे सर्वजित तिवारीलाई सभापति बनाउने पक्षमा थिए।