भोटेकोशी बाढीको अध्ययन गर्न गठन हुने संसदीय विशेष समितिमा जुटेन सहमति

रसुवा–भोटेकोशी–त्रिशूली क्षेत्रमा भएको विपद् तथा जलवायु परिवर्तनका विषयमा अध्ययन गर्न प्रस्तावित संसदीय विशेष समितिको कार्यादेश (टीओआर), संरचना र कार्यावधिबारे दलहरूबीच भएको छलफल निष्कर्षविहीन भएको छ।

बिहीबार सत्तारुढ दल रास्वपाका संसदीय दलका उपनेता गणेश पराजुलीको अग्रसरतामा सिंहदरबारमा बसेको बैठकमा समितिको आकार, गठन प्रक्रिया, कार्यावधि र जिम्मेवारीका विषयमा छलफल भएको थियो। तर, दलहरूबीच सहमति जुट्न सकेन।