२०३२ ओलम्पिकको तयारी तीव्र, भिक्टोरिया पार्क संरक्षणको माग चर्कियो

अस्ट्रेलियाको ब्रिसबेनमा सन् २०३२ को ग्रीष्मकालीन ओलम्पिकका लागि निर्माण हुन लागेको मुख्य स्टेडियमको काम सोमबार औपचारिक रूपमा सुरु भएको छ । तर परियोजनाविरुद्ध आदिवासी समुदाय तथा वातावरण संरक्षण समूहहरूले निरन्तर विरोध जनाइरहेका छन् ।

क्वीन्सल्यान्ड राज्यका प्रधानमन्त्री डेभिड क्रिसाफुलीले ब्रिसबेन सहरको केन्द्रनजिकै भिक्टोरिया पार्कमा पहिलोपटक निर्माण कार्यको शुभारम्भ गर्दै यसलाई २०३२ ओलम्पिकको तयारीमा महŒवपूर्ण उपलब्धि भएको बताए । ‘अब खेल सुरु भएको छ । हामीसँग २०३२ ओलम्पिक र त्यसपछिका वर्षहरूका लागि स्पष्ट योजना छन् । आजबाट त्यसको कार्यान्वयन सुरु गर्दैछौं,’उनले भने । विश्वको ध्यान सन् २०३२ मा ब्रिसबेनतर्फ केन्द्रित हुने पनि उनले उल्लेख गरेका छन् । यो परियोजनाले दीर्घकालीन रूपमा सम्पूर्ण क्विन्सल्याण्ड राज्यलाई लाभ पु¥याउनेछ । भिक्टोरिया पार्कलाई खेलकुद, संस्कृति र हरियालीको केन्द्रका रूपमा विकास गरिँदैछ ।

निर्माणाधीन ब्रिसबेन स्टेडियमको क्षमता ६३ हजार दर्शक अटाउनेछ । ओलम्पिकको उद्घाटन तथा समापन समारोह यही स्टेडियममा हुनेछन् । साथै एथलेटिक्सका खेलहरू पनि आयोजना गरिनेछ । ओलम्पिकपछि भने यो स्टेडियम क्रिकेट र अस्ट्रेलियन रुल्स फुटबलका लागि सहरको मुख्य खेलस्थल बन्नेछ । यो परियोजना अस्ट्रेलियाली र क्वीन्सल्यान्ड सरकारको संयुक्त लगानी (७.१ अर्ब अष्ट्रेलियन डलर) मा सञ्चालन भइरहेको छ । यसलाई गेम्स भेन्युज इन्फ्रास्ट्रक्चर कार्यक्रम नाम दिइएको छ । स्टेडियम निर्माणमा मात्र ३.६ अर्ब अस्ट्रेलियन डलर खर्च हुने अनुमान गरिएको छ ।

यद्यपि, परियोजनाले ऐतिहासिक महŒव बोकेको भिक्टोरिया पार्कको हरित क्षेत्र घटाउने र सांस्कृतिक तथा जैविक महŒवका क्षेत्रहरू नष्ट गर्ने चिन्ता बढाएको छ । यही कारणले पछिल्ला दिनहरूमा सयौं प्रदर्शनकारी सडकमा उत्रिएका छन् । केही व्यक्तिलाई प्रहरीले पक्राउसमेत गरेको छ । ‘सेभ भिक्टोरिया पार्क’ अभियान समूहले आफूहरू ओलम्पिक विरोधी नभएको स्पष्ट पारेको छन् । सो समूहले आफ्नो वेबसाइटमार्पmत पार्क समुदाय, वातावरण, संस्कृति, आदिवासी समुदाय तथा भावी पुस्ताका लागि अत्यन्त महŒवपूर्ण रहेको जनाएको छ । ‘यो ती थोरै बाँकी रहेका हरित क्षेत्रमध्ये एक हो, जसले तीव्र रूपमा विस्तार भइरहेको सहरलाई जीवन प्रदान गरिरहेको छ । एकपटक हराएपछि यसलाई पुनः फर्काउन सकिँदैन,’समूहको भनाइ छ ।

विरोधका बाबजुद क्वीन्सल्यान्ड सरकारले निर्माण सम्पन्न भएपछि पनि भिक्टोरिया पार्कको दुईतिहाइ भन्दा बढी भाग सार्वजनिक हरित क्षेत्रकै रूपमा सुरक्षित रहने दाबी गरेको छ । सन् २०३२ को ओलम्पिक जुलाई २३ देखि अगस्ट ८ सम्म आयोजना हुने तय छ । अगस्ट २४ देखि सेप्टेम्बर ५ तारिखसम्म पाराओलम्पिक खेलहरू सञ्चालन हुनेछन् । त्यसअघि सन् २०२८ को ग्रीष्मकालीन ओलम्पिक अमेरिकाको लस एञ्जलसमा आयोजना हुने तालिका छ ।

Follow @nagarik_news