धनगढीमा टोल, चोक र सार्वजनिक स्थलको नाम जथाभावी परिवर्तन गर्न रोक

धनगढी । धनगढी उपमहानगरपालिकाले टोल, चोक, मार्ग तथा सार्वजनिक स्थलको प्रचलित वा आधिकारिक नाम जथाभावी परिवर्तन तथा नयाँ नामकरण गर्न रोक लगाएको छ ।

उपमहानगरपालिका क्षेत्रभित्रका पुराना तथा प्रचलित नाम विभिन्न व्यक्ति, समूह वा संस्थाले आफ्नो अनुकूल परिवर्तन गर्ने तथा नयाँ नामकरण गरी सार्वजनिक रूपमा प्रयोग गर्ने गरेको गुनासो आएपछि उपमहानगरपालिकाले सबै वडा कार्यालयलाई नाम परिवर्तनमा कडाइ गर्न निर्देशन दिएको हो ।