भोटेकोसी बाढीमा बेपत्ता भएकालाई मृतक घोषणा गर्न सांसदको माग

काठमाडौं । राष्ट्रिय प्रजातन्त्र पार्टी (राप्रपा)का सांसद ताहिर अली भाटले भोटेकोसी बाढीमा बेपत्ता भएकाहरूलाई मृतक घोषणा गर्न माग गरेका छन् । बिहीबारको प्रतिनिधिसभा बैठकमा उनले अब अरु विकल्प नदेखिएको दाबी गरे ।

“करिब–करिब महिना दिन पुग्न लाग्यो । बेपत्ता नागरिकलाई अब मृतक घोषणा गर्नबाहेक अर्को विकल्प मैले देखिनँ,” उनले भने, “त्यसकारण मृतक घोषणा गरेर उनीहरूले पाउने सुविधा कायम गरोस् ।”