पारिश्रमिक कटौतीविरुद्ध विद्यालय बन्द

रुकुमपश्चिमको त्रिवेणी गाउँपालिका अन्तर्गतका सामुदायिक विद्यालयहरुमा आजदेखि अनिश्चितकालका लागि पठनपाठन बन्द गरिएको छ । गाउँपालिकामा रहेको विद्यालय कर्मचारी तथा बालविकास शिक्षक संघर्ष समितिले गाउँपालिकाले दिदैँ आएको सेवा सुविधा कटौती गरेको भन्दै विद्यालयको पठनपाठन बन्द गरेर गाउँपालिकामा धर्नाको कार्यक्रम सुरु गरेको छ ।

संघर्ष समितिका संयोजक कृपाराम पुनका अनुसार गाउँपालिकाका विभिन्न विद्यालयमा कार्यरत बालविकास सहजकर्ता, विद्यालय सहायक कर्मचारी र विद्यालय सहयोगीलाई पालिकाले दिदैँ आएको तलबमा तीन हजार रुपियाँ काट्ने निर्णय गरेपछि आन्दोलनका कार्यक्रम सुरु गरिएको हो ।