सैनिक कल्याणकारी कोषमा ७६ अर्ब २५ करोड

नेपाली सेनाको सैनिक कल्याणकारी कोषको रकम ७६ अर्ब २५ करोड २३ लाख रुपैयाँ पुगेको छ । सैनिक कल्याणकारी महानिर्देशनालयले आइतबार पत्रकार सम्मेलन गरेर कल्याणकारी कोषको अवस्था र आगामी योजनाबारे जानकारी दिएको छ ।

कोषको रकम सेनाले ‘क’ वर्गका बैंकहरुमा ब्याजको प्रतिस्पर्धा गराएर डिपोजिट गर्ने गरेको छ । कोषको ५ करोड २ लाख ६७ हजार रुपैयाँ जोखिममा परेको सैनिक कल्याणकारी महानिर्देशनालयका सहायकरथी विजय थापाले जानकारी दिए । युनाइटेड बिकास बैंकमा राखेको १ करोड ५७ लाख असुली उच्च जोखिममा परेको छ ।