राष्ट्रसंघको निष्कर्ष - इरानमाथि अमेरिकी हमला ‘युद्ध अपराध’

काठमाडौं । इरानमाथि गरिएको दुईवटा अमेरिकी सैन्य हमलाबारे ‘युद्ध अपराध’ मान्न सकिने पर्याप्त आधार रहेको संयुक्त राष्ट्रसंघको इरानसम्बन्धी तथ्य खोजी मिसनले निष्कर्ष निकालेको छ । साथै, इरानमा सरकारविरोधी प्रदर्शनमाथि गरिएको दमनका क्रममा इरानी अधिकारीहरूले मानवताविरुद्ध अपराध गरेको पनि मिसनले जनाएको छ ।

राष्ट्रसंघको स्वतन्त्र अन्तर्राष्ट्रिय तथ्य खोजी मिसनले तयार पारेको नयाँ प्रतिवेदनमा फेब्रुअरीमा इरानको एक विद्यालय र खेलकुद केन्द्रमा भएका दुई सैन्य हमलामा अमेरिका जिम्मेवार रहेको विश्वास गर्ने ‘उचित आधार’ रहेको उल्लेख छ । उक्त प्रतिवेदन जेनेभामा हुने संयुक्त राष्ट्रसंघीय मानव अधिकार परिषद्को बैठकमा पेस गरिनेछ ।