चर्चामा रहेका मेयर र उपमेयरले नै निर्वाचनमा भएको खर्च विवरण बुझाएनन्

काठमाडौं– निर्वाचन आयोगले शुक्रबार जारी गरेको विज्ञप्ति अनुसार स्थानीय तह निर्वाचनमा उम्मेदवार बनेर काननुत: निर्वाचनपश्चात ३० दिनभित्र खर्च विवरण सम्बन्धित निकायमा नबुझाउँदा ठूला नगरका प्रमुख, उपप्रमुख लगायत १ लाख २३ हजार ६२४ जना जरिमानामा परेका छन्।

निर्वाचन आयोग ऐन २०७३ ले व्यवस्था गरेको कानुनअनुसार काठमाडौंका मेयर बालेन शाह, पोखरा महाननगरपालिकाका मेयर धनराज आचार्य, विराटनगर महानगरका नागेश कोइराला, भरतपुर महनगरकी मेयर रेनु दाहाल, विरगञ्ज महानगरका मेयर राजेशमान सिंह, धरान उपमहानगरका मेयर हर्क साम्पाङ लगायतले अब ६ महिनाभित्र जरिवाना बुझाउनु पर्ने, नबुझाए स्वत: पदमुक्त हुने अवस्था आएको छ।