केन्द्रीय कार्यसमिति बैठकमा गगनले‍ देउवालाई भने- महाधिवेशन उद्घाटनमा आउनुहोस्

काठमाडौँ- नेपाली कांग्रेसका सभापति गगनकुमार थापाले पार्टीभित्र बृहत्तर एकताका लागि आफूले पहल गरिरहेको बताएका छन्। उनले एकताबद्ध भएर पार्टीको १५औँ महाधिवेशनमा सहभागी हुन सबै नेताकार्यकर्तालाई आग्रह गरेका छन्।

बिहीबार पार्टी केन्द्रीय कार्यालय सानेपामा बसेको केन्द्रीय कार्यसमिति बैठकलाई सम्बोधन गर्दै सभापति थापाले निवर्तमान सभापति शेरबहादुर देउवासहित पूर्वपदाधिकारीहरूलाई महाधिवेशनमा सहभागी हुन आग्रह गरे।