मेलम्चीमा भएको भ्रष्टाचारको पटाक्षेप

कानुनी छिद्र खोजी दोषीलाई उन्मुक्ति दिने प्रथा अन्त्य हुनुपर्छ। मेलम्चीमा भएको भ्रष्टाचार प्रकरणको बल अदालतको कोर्टमा पुगेको छ।

नेपालमा विकासे आयोजना कतिसम्म ढिला हुन्छ भन्ने बिम्ब नै मेलम्ची खानेपानी आयोजना हो। ३० वर्षअघि सुरु भएर पनि अहिलेसम्म स्थायी रूपमा काठमाडौंमा पानी ल्याउन यो परियोजना असफल छ। भ्रष्टाचारको चंगुलले मेलम्चीलाई यसरी गाँजेको छ कि झन्डैझन्डै पूरा भइसकेको आयोजनाबाट १२ महिना नै नियमित तवरले पानी आउने अवस्था छैन। स्थायी संरचनाबाट पानी आउँछ कि आउँदैन भन्ने अन्योल अझै बाँकी छ।