काठमाडौं महानगरमा २ लाख १० हजार भवनको डिजिटल नक्साङ्कन

काठमाडौं – काठमाडौं महानगरपालिकाले हालसम्म २ लाख १० हजार ९७६ भवन र १ हजार ३४० किलोमिटर सडकको डिजिटल नक्साङ्कन सम्पन्न गरेको छ ।

महानगरपालिकाकी कार्यवाहक प्रमुख सुनिता डङ्गोलका अनुसार नक्साङ्कन गरिएका २ हजार ८०० भन्दा बढी सडकलाई मौलिक तथा वैज्ञानिक नेपाली नामसहित आधिकारिक भौगोलिक सूचना प्रणालीमा अभिलेखीकरण गरिएको छ । यस्तै, २५ हजार १९ भवनको प्रमाणीकरणसमेत भइसकेको छ ।