अन्तरिक्षमा हतियार तैनाथीपछि चन्द्रमा वरिपरि पनि लड्न तयार रहनुपर्ने अमेरिकी सैन्य अधिकारीको दाबी

एजेन्सी । वाशिङटनले अन्तरिक्षको कक्षमा हतियारहरू तैनाथ गरेको कुरा अहिलेसम्मकै सबैभन्दा प्रत्यक्ष रूपमा स्वीकार गरेको केही दिनपछि अमेरिकी सेनाले चन्द्रमा वरिपरि लड्नका लागि तयारी गर्नुपर्ने एक वरिष्ठ अमेरिकी सैन्य अधिकारीले दाबी गरेका छन् ।

यसले अन्तरिक्ष युद्धतर्फ तीव्र गतिमा भइरहेको परिवर्तनलाई संकेत गर्छ । यी कार्यहरूले एकपक्षीय अन्तरिक्ष प्रभुत्व खोज्ने वाशिङटनको प्रयासलाई प्रतिबिम्बित गरेको र यसले हतियारको होडबाजी, रणनीतिक गलत आकलन तथा विश्वव्यापी अन्तरिक्ष शासनमा फराकिलो खाडललाई बढावा दिने जोखिम निम्त्याएको चिनियाँ विज्ञहरूले औंल्याएका छन् । अमेरिकाको यस कदमले अन्ततः बाह्य अन्तरिक्षको शान्तिपूर्ण र सुरक्षित उपयोगमा मानवताको साझा हितलाई कमजोर बनाउनेछ ।