मुस्ताङमा हाइब्रिड स्याउका बिरुवा उत्पादन गर्न प्राविधिक दरबन्दी थप्ने कृषिमन्त्रीको प्रतिबद्धता

१ असोज, मुस्ताङ । कृषि, वन तथा पर्यावरणमन्त्री गीता चौधरीले मुस्ताङको मार्फास्थित शितोष्ण बागवानी विकास केन्द्रमा हाइब्रिड स्याउका बिरुवा उत्पादनका लागि ‘टिस्यु कल्चर बायोटेक्नोलोजिस्ट’ को स्थायी दरबन्दी थप गर्न पहल गर्ने प्रतिबद्धता जनाएकी छन् ।

घरपझोङ जलवायु परिवर्तन सम्मेलन–२०८३ को उद्घाटन कार्यक्रममा सहभागी हुन मुस्ताङ आएकी मन्त्री चौधरीले बिहीबार घरपझोङ गाउँपालिका–२ मार्फास्थित शितोष्ण बागवानी विकास केन्द्रको अवलोकनका क्रममा यस्तो बताएकी हुन् ।