रास्वपाको ‘प्रदेश सभाको खारेज’ प्रस्तावको विरोधमा कांग्रेस, एमाले र नेकपा

काठमाडौँ । सत्तारुढ दल राष्ट्रिय स्वतन्त्र पार्टी (रास्वपा)ले महाधिवेशनबाट पास गरेको ‘प्रदेश सभाको खारेजी’ सम्बन्धी एजेण्डालाई अन्य दलले विरोध गरेका छन् । नेपाली कांग्रेस, नेकपा एमाले र नेपाली कम्युनिस्ट पार्टी उक्त प्रस्तावको विरुद्धमा देखिएका हुन् ।

चितवनको भरतपुरमा जारी रास्वपाको पहिलो महाधिवेशनमा सभापति रवि लामिछाने र उपसभापति तथा वर्तमान सरकारका अर्थमन्त्री डा. स्वर्णिम वाग्लेले छुट्टाछुट्टै प्रतिवेदन पेस गरेका थिए । सभापति लामिछानेले पेस गरेको ‘राजनीतिक प्रतिवेदन तथा प्रस्ताव’ र उपसभापति डा. वाग्लेले पेस गरेको ‘राष्ट्रिय स्वतन्त्र पार्टीको अर्थ–राजनीतिक प्रस्ताव’मा संविधान संशोधन गरेर प्रदेश सभालाई कस्तो बनाउने भन्ने उल्लेख छ ।