‘रास्वपा संविधानको मूल संरचनामै प्रहार गर्न खोज्दैछ, मुलुक फेरि द्वन्द्वमा जान सक्छ’

काठमाडौं- नेपाली कम्युनिष्ट पार्टी (नेकपा) का नेता वर्षमान पुन ‘अनन्त’ले संविधानका आधारभूत संरचनामै प्रहार गर्ने गरी संशोधनको प्रयास गरिए मुलुक फेरि द्वन्द्वतर्फ धकेलिन सक्ने चेतावनी दिएका छन्।

१२औँ संविधान दिवसका अवसरमा नेशनल लेजिस्लेटिभ एकेडेमीले बिहीबार काठमाडौंमा गरेको ‘संविधान कार्यान्वयनको दोस्रो दशकः अवसर र चुनौती’विषयक कार्यक्रममा बोल्दै पुनले गणतन्त्र, संघीयता, धर्मनिरपेक्षता र समावेशिताजस्ता संविधानका आधारभूत स्तम्भ कमजोर पार्ने गरी संशोधन गर्न नहुने बताएका हुन्।