२२.५० मेगावाटको जाल्दीगाड जलविद्युतमा ४ अर्ब ६० करोड लगानी जुट्यो

काठमाडौँ । रुकुम पश्चिमको आठबिसकोट नगरपालिकामा निर्माण हुने २२.५० मेगावाट क्षमताको जाल्दीगाड जलविद्युत आयोजनाको वित्तीय व्यवस्थापन (फाइनान्सियल क्लोजर) सम्पन्न भएको छ । साङ्ग्रिला हाइड्रोपावरले प्रवर्द्धन गर्न लागेको यस आयोजनाका लागि ४ अर्ब ६० करोड रुपैयाँ बराबरको लगानी जुटेको हो ।

आयोजनामा राष्ट्रिय वाणिज्य बैङ्कको नेतृत्वमा नेपाल बैङ्क लिमिटेड र नेपाल इन्फ्रास्ट्रक्चर बैङ्क (निफ्रा) ले सहवित्तीयकरण मार्फत ३ अर्ब ३६ करोड रुपैयाँ ऋण लगानी गर्ने सम्झौता भएको छ ।