मादी गाउँपालिकाको स्थापना दिवसमा पालिकास्तरीय भलिबल प्रतियोगिता हुने

पोखरा । कास्कीको मादी गाउँपालिकाले स्थापना दिवसको अवसरमा अध्यक्ष कप भलिबल प्रतियोगिता आयोजना गर्ने भएको छ । पालिकाको आठौँ स्थापना दिवसमा पालिकास्तरीय भलिबल प्रतियोगिता गर्न लागिएको हो । फागुन २७ देखि २९ गतेसम्म याङजाकोटमा प्रतियोगिता हुनेछ ।

प्रतियोगिताका विजेताले ३ लाख रुपैयाँ पुरस्कार पाउनेछ । दोस्रो हुनले २ लाख र तेस्रोले १ लाख रुपैयाँ प्राप्त गर्ने अध्यक्ष देवीजंग गुरुङले जानकारी दिए । यस्तै, चौथो हुनेले पनि ५० हजार पाउने छ । विभिन्न विधाका खेलाडीलाई थप पुरस्कारको व्यवस्था गरिएको छ ।