ग्यासको मूल्य प्रतिसिलिण्डर दुई हजार ६० मात्र लिन संघको आग्रह

काठमाडौं। नेपाल एलपी ग्यास उद्योग संघले पुरानै दरमा ग्यासको बिक्री–वितरण गर्न उद्योगीहरूलाई आग्रह गरेको छ। संघले आज विज्ञप्ति जारी गर्दै शुक्रबारदेखि नेपाल आयल निगमले तोकेको प्रतिसिलिण्डर दुई हजार ६० रुपैंयाँमा बिक्री गर्न आग्रह गरेको हो।

भोटेकोशी बाढीका कारण पृथ्वी राजमार्गको कृष्णभीर खण्ड अवरुद्ध हुँदा उद्योगीले वैकल्पिक मार्गबाट ग्यास काठमाडौंमा ल्याएर बिक्री गरेका थिए। उपत्यका बाहिरका उद्योगमा ग्यास भरेर ल्याउनु परेको भन्दै उद्योगीले प्रतिसिलिण्डर १०५ रूपैयाँ ३८ पैसा ढुवानी भाडाबापत थप गरी उपभोक्तासँग लिँदै आएका थिए।